Sommer på hell

og tid for refleksjon kanskje ? 

Kva har fungert godt i år og kva skal eg gjera noko med neste år ?

I byrjinga på juli kom eg over desse grasplantene og det førte til fem grasplanter som no ser slik ut:

 Graset har vakse veldig og er flott å sjå til. Samanplanting med hosta kan nok bli fint trur eg, men den vesle stauda som eg trudde skulle klatra på rota og få oransje blomer....må nok gjerne flyttast.

Når sant skal seiast er det mange dager sida dette siste bilete vart tatt. Etter ei veke med feber og vond hals.... er eg endeleg kvitt feberen men mangler stemme. Reint helsemessig har ikkje sommaren vore god for meg, formen kunne absolutt vore betre. Reint fysisk håper eg altså på ein ny "vår" slik at eg kan få gjort noko av det eg ikkje har klart i sommer. Hagen har starta hausten føler eg. Enno mykje att å gjera før eg treng ta vinter. 

Eg håper enno på fint hagevær ei stund slik at eg får reflektert rundt mine hageprosjekt... for det gjer eg 

best med fingrane i jorda, eller på ein stein i hagen.  Eg ynskjer å få vekk alt ugraset som har spirt.... veit det blir kjekkast til våren då. Eg har store planer for kjøkkenhagen.... Ajajaj

Og fine haustdager er også flotte dager.

Takk for inspirasjon gjennom blogger eg besøkjer og kommentarer og besøk på min blogg. Nye følgjarar eg svært velkomne, om eg ikkje alt har vore på besøk hos deg så kjem eg nok !!

Med ynskje om ei god veka til doke alle !!

Framtidstanker 13. dag jul.

Etter gamal skikk er dette dagen for julebukker i bygda her eg bur.

Det er også dagen for å bera jula ut.

Etter gamal skikk kan ein også venta med å bera ut jula til 20.dag jul.........

Akkurat i dag kjennest det ut som det kan bli både 14. og 15.dag jul før jula er ute. Og det gjer jo ingen ting. Eg kan jo egentlig gjera akkurat som eg vil.

SJEF I MITT LIV !!

eller ??

Kvart år når eit nytt år starter, kjennest det som å starta litt på nytt. Nye muligheter også bortetter.... 

Ja, det er nye muligheter faktisk heile tida. Eg starter i grunnen på nytt mange ganger kvart år eg !! Og det med å prøva å få til det samme, altså samme prosjekt, på nytt og på nytt

I år har eg fundert litt på kvifor eg ikkje får til det som er godt for meg ? Har fleire svar, kanskje nokon unnskyldninger, bortforklaringer. Men uansett : Eg må leva i det livet som er rundt meg. Og då er det ikkje alltid så lett å vera sjef i eige liv......

Men når eg klarer å sjå dei store linjene så ser eg at det er mykje eg klarer betre no. Så alle gangane eg har byrja på nytt har så visst hjulpe meg. Så egentlig er det vel greitt då at eg byrjer dei samme prosjekta på nytt og på nytt, for den treninga eg får til, har hjulpe meg !! Og det er alltid lys i enden av tunellen.

Så då skal eg også dette året trena meg på å ta betre vare på meg sjølv !!

Ringblomen og eg !!

I dag har eg lyst å klaga meg litt.

Og då handler det gjerne om helse.

Det er ikkje alltid så lett å leva med utmattelse 

og diverse andre plager.

Det er ikkje alltid så lett å stå på og arbeide positivt med meg sjølv.

 Det er ikkje alltid så lett å gjera det som eg veit er godt for 

meg sjølv.

Av og til har eg lyst å berre gje meg over til utmattelsen...

Og berre la humla suse....

På mange måter er eg heldig, veit det, men i dag vil eg synest litt synd på meg sjølv.

Eg vil tilata meg å kjenna på den sorgen det er å ha ein kropp som ikkje er heilt på topp .

Kjenna at eg er misunneleg på dei som kan jogga, gå på lange fjellturer......

Ja, sorg og misunning kjenner eg på i dag.

Det var dagens klagesang.

I hagen min har eg ringblomst.

 Eg har aldri sådd sjølv men fått av svigermor for mange år sida.

Og så kjem den igjen.

År etter år.

Tenker at den skal bort.

Kvar haust er eg like glad den er der.

Den lyser så fint opp no på hausten.

 

Og som ringblomen så med meg...

Innimellom ser eg mørkt på det men....

som ringblomen :

Eg kjem tilbake,

med friskt mot,

igjen og igjen !!

Og regnet kom.....

Eg fekk ynskje mitt oppfylt.

Regnet kom.

Katten er ute for fyrste gong sidan eg slapp han inn litt før o6oo i dag tidleg. Han liker ikkje regnet. 

Men busker, planter, gras og ugras set nok pris på det.

Eg har arbeidd og vore aktiv, meir enn eg har klart å gjera det som eg veit er godt for meg.

Med utmattelsesproblematikk i kroppen handler det om å finna balanse.

Balansen er rokka ved og dette har vore ein dårleg dag.

Så avspenning og tur står på mitt program i helga !

GO`HELG !!

Sol, sol kom igjen....

 

På søndag kom ikkje sola gjennom skylaget.... 

Men det gjorde ho i dag !

Og min kjære mann kommenterte :

Han kunne kjenna at sola hadde varma i stova då han kom heim i dag !!! HERLIGT !!!! 

Ein lat go`værsdag

Fredagen har eg fri.

Har mange fornuftige tanker kvar morgon om alt eg skal få gjort.

Men det blei ein lat dag !! Igjen !

Men ein koslig dag og.

Litt data, litt tv, litt rydda kjøkken, litt vaska klær, litt hekling, og litt riva laken for å laga "tråd" til heklinga.....

Og så var det fine-været som akkurat lokka meg ut på terassen slik at eg fekk tatt nokre bilder.

 

 

Stubben kanter eit bed oppå eit berg.... og så var det pyntekålen som er komen velberga fram frå snøen .... med eit lite dryss av nysnø på toppen !!

GO`HELG ALLE !!!

Bak skyene......

BAK  SKYENE  ER  HIMMELEN  ALLTID  BLÅ  !! 

Eg er blant dei heldige som er født optimist !!  Og dette er ein egenskap som eg er svært glad for å ha.

Eg trur det er medfødt.

 Eg er heller ikkje eit menneske som bekymrer meg mykje. Medfødt ?? Eg er i alle fall glad for at eg har det slik.

Humor !! Kjempeviktig for meg. 

  

Livet mitt har ikkje gått på skinner, eller rett opp og fram, som bilde illustrerer. Dei siste 12 åra av livet mitt har vore prega av utmattelse.

Då har dei egenskapane vore gode å ha. 

Av og til forstår eg ikkje at eg har klart det eg har klart desse åra. Enkelte perioder er nesten blanke i hukommelsen min.... Då var eg så sliten , så sliten....

 

Då hadde eg det som denne greina. Alt flata seg ut. Det handla om å eksistera..... Hadde bare ein tanke i hode.... sova ....kvila  !!

På kurs på Frihavnsenteret i Skånevik lærte eg kva det var som skjedde med kroppen min (saman med andre med ME og utmattelses-plager).

Ingen kan kvila seg frisk, lærte eg.

Etter dette oppholdet fann eg vegen ut av uføret. Ser de at greina reiser seg igjen ? Slik har eg det no. Eg har reist meg.

Men det går ikkje rett fram... Det er litt svinger på vegen.

GAMLE VANER ER VONDE Å VENDA !!

Sjølv om eg no veit så  godt kva eg treng, så er det ikkje alltid eg klarer det. Avspenning, turer, vera til stades her og no, er litt av det eg skal ha fokus på.

No er eg tilbake i 50 % arbeid Det er kjekt. Og eg er stolt av det.

Så er utfordringa å få gjort dette andre som eg treng for å halda meg frisk..... Då er det godt å kunna leggja bak seg dei dagane eg ikkje får det til og så starta på nytt igjen, og igjen !! 

Framleis er det viktig å ha fokus på det eg har fått gjort framfor det eg ikkje har fått gjort. Framleis er det viktig å smila til verda slik at verda smiler tilbake. (Bestemte meg nemlig tidleg for at det var no ein ting å vera dårleg, men at ingen ting blir betre av å gå rundt             -hm, ligga- og vera sur og grinete.)

Framleis er det viktig å sjå framover !! Ikkje tru at eg ikkje har hatt vonde dager, så "flink" er eg ikkje, men eg trur dei vonde dagane blir færre når ein klarer å ha "rett" fokus.

Veit at det er mange der ute som slit med det samme. Ikkje gje opp !! Det er hjelp å få. Dessverre ikkje lett tilgjengeleg for alle . Hadde eg fått denne hjelpa i rett tid hadde i alle fall Norge spart litt penger på trygdebudsjettet på meg !! Og eg hadde hatt eit anna liv !

Tenk om våre politikarar kunne ha litt meir fokus på kva som kan hjelpa folk ut av sjukelønnsordningane i staden for å "straffe" oss ut ?? 

Tusen takk for flotte kommentarer på forrige innlegg.

De har inspiret meg til å skriva dette.

Ha ein fin dag !! 

 

Nyårsfeiring

Nyttårsafta var me saman me vår aller beste vennefamilie.

Saman pynta me dette bordet.

Hadde eit kjempekoslig måltid.

God mat og god prat !!  

Eit confetti-fyrverkeri inne hadde me også.

Stilig og morsomt ! 

Nytt år -nye muligheter

Ved starten av eit nytt år.....
Det er deilig synest eg. Då veit eg at me går mot lysare tider. 
Våren kjem med nytt liv enno ein gong.

Får alltid den gode kjensla av å byrja på nytt ved kvart års-skifte... Eg vert full av håp og tenkjer at det me ikkje fekk gjort i fjor får me gjort i år !! Eg set meg alltid nokre mål. Ikkje så store mål, dei skal vera realistiske og målbare. Eg vil kjenna ved neste års-skifte at eg klarte det . Og akkurat difor når eg måla mine . 

 Ved forrige års-skifte var eg dårleg. Klarte ikkje formulera mål for meg sjølv. Hadde meir enn nok med å ta ein dag om gangen.
Men dette året er vel kanskje det året det har skjedd den største endringen i livet mitt enn på lenge.
Frå å ha ein kropp som totalt tok styring på meg, har eg no ein kropp eg i langt større grad har kontroll over . Det krev ein innsats kvar dag, og eg trener på mitt nye liv heile tida. 
Eg går inn i 2010 med stor glede, og målet er å bli flinkare å prioritera det som eg treng for å ha eit godt liv.

  

I nyårstalen sin utfordra kongen oss til å gjera noko ekstra for eit medmenneske dette året. Det har eg tenkt å gjera. Har du ?  Riktig godt nytt år og takk for alle gode ynskjer for det nye året !!

Skugge over advendt....

Av og til blir bare livet snudd på hovudet.

Ingenting blir som ein hadde tenkt.

Det eg gleda meg til i går har ingen betydning i dag.

Tragedia har ramma ein familie i den vesle bygda vår. 

Foreldre og søsken har mista ein bror, ein son i ei bil-ulukka.

Ungdommane i bygda sørger.

Me foreldre sørger.

Eg kjenner også på redsla for å mista eigne barn.

Eg tenkjer på foreldra som har mista.

På det meiningslause......

Tankane går til familien i kveld. 

Takk til.....

Tusen takk til
 Primula og mere til
Bestemor Drillo
Villrose

som alle har tenkt på meg med denne awarden:

Kjenner at tanken på å tenkja ut 15 nye som skal få denne og som kanskje helst ikkje har fått den....
Det stresser  meg. Og siden blogging skal vera gøy, hopper eg rett og slett over den biten. Denne gangen.... Håper eg vert tilgjeven.

Når det er sagt.
Eg set utruleg stor pris på awarder, kommentarer og på at besøkstala stig. At nokon set pris på det eg gjer varmer umåteleg. Så blir det kanskje sånn at eg får spre litt glede med det eg skriv, slik som så mange av dykk har gleda meg !!

Apropos stress...... 

Her går det i rydding om dagane. Hadde tenkt å ta nokre bilder inne, men det forsvann i iveren etter ryddige skap. På lørdag skal me levera 4 sekker med klede etter jentene til Barmhjertighetsbussen som skal til Ukraina rett etter jul. Jentene skal også kjøpa kvar sine julegåver og gje til samme aksjon.

Ha det fint alle der ute...... 

 

Sola er der alltid......

Frå der eg bur har eg full kontroll på solnedganger. 

På veg til arbeid, er det soloppgang. 

Dette får eg jo aldri tatt bilde av. Men denne dagen hugsa eg å ta med fotoapparatet.

Har spart på desse bileta... tenkte å ta dei fram I REGNVÆR.

Det passer godt NO.

Har regna nokre dager no.

I ettermiddag hadde eg ein fin tur med veninna mi. 

Faktisk i opphaldsvær. 

Men no auser det ned igjen.

Alt vær har sin sjarm. Godt med kontrastane og.

Godt å sitja inne i sånt vær.

Men også godt å vera i været. Kjenna på regn og vind.

Kjenner meg så levande ute. 

Både i godt og dårleg vær. 

Og forresten...

Kjøkkenet er så vaska som det ikkje har vore på mange år.

HERLIGT !! 

Og tusen, tusen takk for koslige kommentarer. Det er SÅ kjekt, eg gler meg til dei stundene eg set meg ned og les det de har skrive.

Og bare for å sei det.... konjakk drikkinga tok ikkje overhand!

Min kjære vaska fint også i høgda..... 

(Han sendte riktignok ein melding til ein kollega der han spurte om råd til kva han skulle gjera.... 

Han hadde tatt feil av konjakkflaska og jiffen ...... HAHAHA)

 

Kjøkkenvask....

Sitter her bak dataen og prøver å lada opp til kjøkkenvask.

Ingen julevask...

Her skal kjøkkenet vaskast fordi det er heilt nødvendig !!!!

Og det har det forsåvidt vore ei stund.

Tidlegare i veka spurde eg min kjære mann kor tid me skulle vaska  kjøkken ?

Han svara fredag kveld.

No er han klar, skal berre fylla i konjakk-glaset.

Han påstår vaskinga går så mykje lettare då..... 

Ikkje liker eg konjakk, ei heller noko særleg glad i andre sterke saker.

Sjokolade har eg slutta med, på mandag....

Her er det berre å ta seg sjølv i nakken og setja i gang !!!!

Er jo så kjekt etterpå.

Moseballane er komen ut i regnet , til eplene... Sånn ser det ut no. 

Gler meg til julepyntinga. 

 

God fredagskveld og helg !

Kunstbakverk

Baking er ikkje det kjekkaste eg gjer på.

Det er likevel bakverk her i huset av og til.

Denne gangen har eg mistanke om at det handla om å vera snopesjuk.......

 

I alle fall smakte det godt etter ein viss Ikea tur på fredag.....

Og flott dekorerte var dei. Her får kreativiteten blomstra.

 

Tusen takk kjære store jenta mi for gode muffins !

IKEA fredag 13.

Yngste dotter på tolv år har tilbrakt dei to siste månadane på madrass på golvet... Ho var lei av si halvhøge seng og solgte den for å få penger til ny. No har me studert på senger på nettet....

Mor fann ei fin seng på Skeidar,romantisk, kvit, kan brukast som sofaseng , ikkje så dominerande, ville passa fint inn på hennes rom,men neida... Sjefen, altså dotter mi, likte ikkje den senga så godt. Og i akkurat dette tilfellet får yngste dotter vera sjef. Det er jo hennar seng det gjeld, i stor grad hennar penger og, til ei forandring ! På nettsidene til Ikea fann ho senga ho ville ha, Malm -enkeltseng i kvitt !! Sjekka mål, ja dette skulle få plass i Volvon.

Ok. Skulefri fredag. Her er det berre å rykkja ut og få senga i hus.

Tidleg opp, i alle fall tidleg nok når me kunne ha sove lenge... Ferje, plukka opp mor/mormor, og la ut mot Ikea. Framme elleve saman med ein del andre folk... men ikkje for mange heldigvis ! 

Etter å ha gått gjennom sofaer, kontorer, tv møbler, benker,hyller , kjøkken....og diverse andre freistande ting kom me fram til senga.

Og litla jenta mi sitt ansikt endra karakter... å var det sånn senga såg ut.... den var ikkje fin !! Alt for lav. Ho gjekk rundt og rusla litt og fann ei anna ho likte, og vips så var handelen gjort, inkludert ekstra møbler frå mormor !! Så var det ein del på sjølvbetjening og resten på Nyborg. Dvs. må i bil for å henta varene. Etter litt kose-shopping var det retning Nyborg for å henta senga. Ingen kø...jippi... men kva er det no me skal ha med oss heim ! Det var litt stort ja..... For ho mor hadde jo ikkje tenkt på å få sjekka måla på pakkane på den sist valgte senga.  Jaja me får prøva !

Kan trygt skriva under på at ho mor sitt stressnivå auka , mykje. Dette er mitt handle-mareritt !! Å stå der på plassen, og stabla ....pusla, ut og inn igjen, litt meir til høgre eller venstre.....Og så byrja det sjølvsagt å regna.... Pakka ut og sjå om det stabler seg betre..... Skulle vore filma veit du ! Noko eg verkleg håper det ikkje blei.... 

For den som køyrde derfra uten å få igjen bakluka på bilen, med dårleg sikra last, med ei dotter som satt i vinkel, og ei mormor som ikkje hadde plass til beina... Det var meg !! Men alt og alle var i bilen ! Eg køyrde fint og roleg og er no vel heima.... Min kjære mann sa : "Det gjekk jo bra" og er sjeleglad for at han slepp rykkja ut med lånt bil og kasta bort lørdagen for å henta seng.....

 Ikea er klart kjekkast når ein ikkje skal handla store ting, eg klarer jo fint å fylla bilen likevel !!!

 Og så ser eg no, vel heime, at det er fredag den trettande i dag. Kanskje eg bør prisa meg lukkeleg for at det trass alt gjekk bra !!

GOD HELG !! 

Klubb....vennskap.

Me er fire damer som har klubb ca. ein gang i månaden.

Formålet med klubben er kun det sosiale. 

Å treffast kan vera vanskeleg i ein travel kvardag.

Klubben sikrer treffpunkt (i alle fall til ein viss grad).

Den handler om vennskap.

Om å dela gode og tunge stunder med kvarandre.

Me kan grina, me kan le. 

Me dele erfaringer .

Me dele litt av livet vårt. 

Av og til er me svært fortrulege .

Andre ganger løyser me verdsproblem.

Me koser oss med god mat og  god prat.

Deler strikke og andre oppskrifter.

Hmmmm

Byrjer ikkje dette å likna mistenkjeleg på

 blogging ! 

 

Krydder i tilværet.

I dag har eg vore hos frisøren. Det liker eg godt. Ho spør meg om eg vil vaska håret... Ja det vil eg jo. Halve frisørtimen er for meg å bli vaska, litt massert i hodebunnen.... tørka og gnidd litt. Nyter den stunda i vasken eg ! Frisøren seier at folk er forskjellige, nokon vil absolutt ikkje det !!

 

Ja, det er fint at me er forskjellige ! Det er fint at me meiner forskjellig og. At me trur forskjellig . Ser forskjellig ut, har det forskjellig i huset. 

  

Forskjellighet skaper krydder i tilværet. Kvardags-spenning.

Det er ikkje fint når nokon går rundt og trur at det dei trur og synest, er det einaste rette både for dei sjølve og for alle andre.

Det gjeld på så mange områder i livet. 

Når nokon seier kva som er rett og gale i hagen, i huset, klær...Tenk så kjedlig det hadde vore om me alle fulgte nokre regler for korleis alt skulle sjå ut ?

Å tru på noko er viktig for mange. Nokon av oss trur på Gud, andre trur på andre gudar. Nokon vil ikkje tru på noko... men på eit vis trur dei vel då at det ikkje finst ein Gud..... Å tru er å ikkje vita... Når me ikkje veit....Kva då ? Korleis opptrer me då ?

Mitt ynskje for menneske-slekta er at me ikkje skal vera så oppteken av å ha rett eller gale.  Kan me ikkje heller vera oppteken av å vera gode menneske for kvarandre ?

 Vera audmjuke for kva andre trur ?

Syna respekt og nestekjærleik ? 

Ja, det var mine ynskjer på ein ganske vanleg fredag. 

God helg til alle !