Tullik

Vestlandsvinter.

2012-01-08T14:28:00.000+01:00

Mandag : Grått, regnvær,vind
Tirsdag: Hagl, store hagl, kvitt ei stund..... Sterk vind.
Onsdag : Nesten 10 cm snø, nokså våt, men lyst og fint
Torsdag : Snøen ligg men det er liksom litt mindre av den.
Fredag: Snøen borte vekk, regn i lufta...
Lørdag : Grått vått....
Søndag Vått, solglimt mellom skyene, opphaldsvær. Enno.....
Slik er vestlandsvinteren.....

Ikkje er det skikkeleg vinter ute og ikkje vår heller:

Kjekt med det grønne i hagen no. Einer, tuja, biota, peppermyntebusk og rododendron skaper forskjellige fargenyanser frå kobberbrunt til alle slags nyanser i grønt. Sola skin på det grønne, litt bå himmel, nakne bjørker. Joda, vestlandsvinteren byr på nyanser på så mange vis. Og i beda spirer det.

Tulipaner og hyasinter på veg !! Kjennest ikkje som vår likevel. Lager litt vår inne. Primula og tulipaner var kjekt å få i stova etter at jula var kasta ut !!
Ha ei fin veka alle saman !!

Juleroser, spirer, og nytt år.

2012-01-01T15:33:00.000+01:00

I år feira me ein heilt roleg nyårskveld heima. Mannen min, vår 14 åring og eg. Og hund og katt sjølvsagt. Ein roleg kveld passa best for oss alle. Me hadde oss eit betre måltid og slappa av i sofaen.

Likevel tok me og kledde oss godt, tok bilen og køyrde til fjells då klokka nærma seg midnatt. Me ville opp slik at me fekk sjå fyrverkeriet i heile bygda vår. Det blåste veldig, regnet piska men i le bak ein haug feira me inngangen til det nye året. Mykje flott fyrverkeri å sjå.

Naturen sine eigne lyder dempa fyrverkeribråket slik at vår firbeinte venn hunden også hadde det okey. På veg tilbake til bilen tok regnet seg opp og piska godt både oss og hunden . Ein frisk og god start på det nye året.

Dagens bilete er tatt for to dager sida. Juleroser i fleire varianter har det visst bra denne vinteren. Den store eika veks i nærleiken, på vår eigedom. Mektig og flott. Nesten finast utan lauv synest eg. Spirene er årets snøklokker på veg. I beda mine kunne eg også finna tulipanlauker med små spirer i jordoverflata. Her er mykje å gle seg til.

Dette er frå bedet eg har planta grasplanter i. Framleis fint der synest eg. Eg hadde tenkt på å dekka til for ,om muleg, få dei til å overvintra, men er usikker. Ikkje særleg med frost her enno. Får fylgje med og sjå.

Liv i hagen er her ellers og. Fuglane forer me med solsikkefrø og heimelaga meise "boller". Trur fuglane trivst for her er ganske mange til tider. Kjekt besøk å ha.

Nytt år gjev meg alltid ein ny start. På tide å leggja bak seg både sorger og gleder frå forrige år. No ser eg framover og gler meg til å sjå og oppleva det 2012 har å by på. Ynskjer det same for dykk alle !!

Godt nytt år !!

2011-12-31T17:30:00.001+01:00

Årets siste dag.....
Godt at nytt år med nye muligheter er på veg.
2011 har vore prega av for mykje sjukdom og for lite overskot. Veit eg må leva med sjukdomen min men litt meir overskot ynskjer eg meg sånn uansett.....
Gleder meg til nytt hageår !! Er takknemlig for mange hage-blogge-venner. Her henter eg inspirasjon og glede. Spesielt stor takk til de som kommenterer. Kjekt å få den vesle responsen synest eg.
Så ynskjer eg GODT NYTT ÅR til dykk alle !!

Interiørmimring....

2011-12-28T19:07:00.001+01:00

Dei siste dagane har eg rydda i og sletta bilete frå mange år tilbake. Vinteren 2008 gjorde eg mine første famlande forsøk på å ta interiørbilete. Julekortet som eg viste i går var med på dei første bileta eg tok.

Litt artig å sjå at dei samme tinga eg tok bilete av for tre år sida framleis høyrer med og er favoritter.

Julekulene frå Mormor og Bessen har vore med lenge, på forskjellig vis. Kista etter Farmor og Farfar...... Den står her med anna pynt på no. Eg koser meg med interiøret her heima, men bruker nesten ikkje penger på det. Det er koslig å sitja å sjå på bilete frå år tilbake.

No drøymer eg om nokre flotte vinterdager i fjellet her før våren kjem og hageåret kan ta til for fullt igjen !!

Finaste julekort eg veit.

2011-12-28T00:17:00.000+01:00

Sjå dette fantastisk flotte julekortet !!

Det var onkel til mannen min som ein gang har fått dette kortet.

Etter meg vil ein finna mange julekort og helsingar. Mange fleire enn me fann her.

Er likevel sikker på at ingen er så flott som dette !!

Litt seint for god jul eller ?

2011-12-26T21:20:00.000+01:00

Så var julefeiringa 2011 på veg inn i minneboka. For fyrste gong på mange år har me vore ute av vårt eige hus og feira jul. Rart var det men kjekt å feira med mykje familie rundt seg.

Huset er julepynta og i dag kjenner me julefreden har seinka seg i huset. Her har vore tid til både tur, film-titting og ein enkel middag. Far i huset som arbeider i kraft-bransjen har vore på jobb deler av dagen ettersom Dagmar sette sine spor her og. Godt eg ikkje vaska vindauge til jul...dei er nemlig kvite av salt !!

Men julestjerna skin framleis og skal skina gjennom jule og nyårshelga. Me skal alle ha fri og nyta dagane i sakte tempo.

Med ynskje om gode romjulsdager til mine venner her .

Mosepynt i pottene.

2011-12-03T14:01:00.001+01:00

Byrja så smått å pynta litt ute for eit par veker sida. Mose og lav er funnen i nærleiken av huset og eg er ganske fasinert over mangfoldet.

Heuchera bladene var så fine at eg ville ikkje dekka over. Kjempefine saman med mosen.

Eit mini- fuglehus har også fått bli med.

Einer greiner og røtter er ofte med når eg dekorere.

Og så til slutt ei lyslykt i sink, kjøpt på plantasjen, som i tillegg til lys også bidreg med litt julefarge !!

Ole Brumm får sagt det han......

2011-11-22T15:09:00.001+01:00

Det er godt for oss alle å få høyra at nokon er glad i oss. Difor viktig å sei at eg er glad deg til dei me er glad. Dette er berre ei lita påminning i eit travelt kvardagsliv !!

Stor klem frå Tullik.

Det er liv i hagen !

2011-11-20T19:22:00.001+01:00

Denne julerosa, som er limegrønn, har ikkje hatt blomer sida eg kjøpte den for eit par år sida. I vår fekk den ny plass og det var visst lurt. No står den med mange knopper og venter på å bløma. Her er nokså mildt enno, 10 grader i går, er spent på om det skjer no eller om den venter til etter snøen eller kanskje begge deler?

Den står no lunt plassert i god jord mellom tre vintergrønne planter og det kjem rett og slett til å bli kjempefint når den blømer,trur eg !! Samstundes lurer eg på om den vil overleva barfrost og uansett skal det jo ein del snø til for å leggja dyne over denne planta. Snøen her ute ved havet er jo nokså ustabil.

Denne kvite, vanlege julerosa har gleda meg med blomer i fleire år.Den veks ikkje så veldig godt. Får kanskje litt lite lys om sommeren ?Den ligg jo med blomeknoppane under blada, nær jorda så den trur eg klarer seg fint. Eg har jo erfart det. Men lurer på om den alltid har kome så langt på denne tida ? Oftast har eg vel ikkje sett etter før i januar.

Gler meg til eg synest eg kan plukka inn ein heil bukett med juleroser !! Har ei tua til som likner på denne, ei plante eg fekk til jul i fjor. Den har eg gløymt å sjå om....

Korleis står det til med julerosene ellers rundt i det store landet vårt ?

Små tanker i skoddeland.

2011-11-19T00:27:00.001+01:00

På veg til fjells her ein søndag kom skodda sigande oppover fjellsida og til fjells. Ikkje mykje å sjå når me kom opp. Lufta var frisk og god, og turen var fin,til trass for at på denne turen gav kroppen meg beskjed om at no var den gode perioden over for denne gang....Så får me sjå kor tid eg kjem meg til fjells igjen.

Mykje fint å sjå sjølv om skodda la seg meir og meir. Ein får jo fokus på det nære då. Vassdropene i trærne, det flotte laget med mose, bekkane som baner seg vei.

Sopp, visne blad og gras vitner om sein haust. Vakkert er det likevel. På sitt vis. Det er hausten (og vinteren)me kan takka for nytt liv og nye vekster til våren.

Det er alltid lys i enden av tunellen !!

Gardiner og dill og sånt....

2011-10-30T00:30:00.001+02:00

Dette har eg gjort på i dag :

Nye gardiner på plass i stova. Og eg har vaska vindauga ser de vel. Hehe !!

Jammen lenge sida eg har tatt bilete inne og lagt ut på bloggen.

Gøy å leika med forskjellige vinkler. Og korleis lyset utanfrå verkar inn

Ynskjer alle ein god søndag !!

Hausten er skiftande..

2011-10-26T21:30:00.000+02:00

Været er varmt og kaldt,

surt og vått,

regn ,hagl,og stille yr

surt og tørt....

vind, storm, kuling,

sol og stilla !!

Men godt er det å nyta det som enno er att av liv i hagen. Fine haustfarger og flotte blomer som held stand mot vinteren.

Siste tapre forsøk ?

2011-10-25T23:29:00.001+02:00

Solhatt.

Ikkje den flottaste hatten eg har sett.

Men med hausten kjem gleda over desse litt pistrete, ikkje heilt perfekte men likevel så standhaftige og stolte . Og der den står aleine synest no eg den er flott og.

Dei som ein gang var blomer ser slik ut no, Flotte dei og.

Poppelroser sprer blomsterglede.

2011-10-09T00:56:00.001+02:00

Impuls handling kan  vera bra.

Blant dei mange staudene eg kjøpte i vår kjøpte eg to poppelroser -Lavatera.

Begge har vokse svært bra og byr framleis på eit hav av av blomer.

Lavatera "Burgundy Wine" ser slik ut:

Lavatera "Baby Barnsley" ser slik ut :

Legg merke til kor kraftig stamme denne planta har på dette siste bilete.

No lurer eg på om dette er ei staude og om den vil koma på besøk neste år også ?

Den er i så fall svært velkommen tilbake.

Ein ekstra dag.

2011-10-05T21:26:00.000+02:00

I dag fekk eg brått ein ekstra dag.

Planane for dagen i dag gjekk i vasken . Det var leitt, men det kjentes som eg fekk ein dag i gåve også.

Vårt siste familiemedlem Happy var også glad for det.

Ut på tur , aldri sur er ikkje eit problem her i gården nei.
Ho nyter å springa laus (me eig område me går i og tillet oss difor det), henter pinner, snuser og sist men ikkje minst bader i alle pytter både med og utan gjørme.....

For tida har eg det bra .Eg har ein god periode og den nyter eg. (For dykk som ikkje kjenner meg så godt så lever eg med utmattelsesproblematikk og Sjøgrens syndrom)Desse gode periodane bruker eg til å byggja meg oppatt og turer til fjells er god medisin. I dårlege perioder tenkjer eg innimellom at eg aldri kjem til å koma meg til fjells att, og så blir eg så lukkeleg når eg igjen klarer det.

Hagen er også til stor glede og rekreasjon.At vrihasselen også gav nøtter visste eg ikkje, men det oppdaga eg i dag. Artig.Berre synd eg er allergisk.

Viser ellers eit lite bilderas frå ein regnvåt hage :

Kinasøte og Storkenebb

Regnvåt og grå dag, men likevel ein god dag.
Dagane og livet blir ofte det me gjer det til.
Ynskjer alle som titter innom her ei fortsatt god veke.

Høstanemone i kveldssol.

2011-10-02T23:41:00.000+02:00

Har nok oppdaga at eg har ein liten forkjærlighet for enkle blomer. Her representert ved høstanemone.

Den er vakker med dei små runde knoppane, på veg ut som her eller heilt utsprungen.

Den sår seg sjølv og har spreidd seg villig her, men ikkje aggresivt som ein jo kan oppleva iblant.

Her står prydtobakken i front medan høstanemonen er i bak-kant og innimellom.

Håper på enno ei økt i hagen i morgon. Håper det slår til med både ok vær og kropp !!

Prydtobakk pryder hausthagen.

2011-10-01T20:17:00.001+02:00

Enno ein flott dag her i vest. Skulle tru det var sommer. Har grilla ute og kost meg i hagen. Trur det i utgangspunktet var fleire ugras-planter i beda mine enn prydplanter. har kome seg litt no. Mange løkplanter er kome i jorda. Berre to pakker igjen no !!

Mange år har eg prøvd å så prydtobakk. Ikkje fått det til.

Alltid litt sein med å så... så og i år, men no blømer prydtobakken mange stader i hagen. Seint men godt !!

Kvite og limefarga som også viser i kveldsmørket. Kan jo passa det no på hausten.

Så no har eg fått det til !! Neste år skal eg prøva meg på noko anna. Håper på fin hagesøndag for både meg og deg.

Tusen takk for mange kommentarer. Veldig kjekt det !!

Haust ?

2011-10-01T00:01:00.000+02:00

Så var hausten komen godt i gang. Og det har regna....og regna og vore ganske så vått.

Så plutselig slår det til med varme...som om det skulle vore midt på sommaren !! I kveld har eg brent bål ute , nytt kvelden og varmen og vore meir lettkledd enn det eg har vore store deler av sommaren.

Forstå det den som kan. Eg berre NYTER det !!

Ikkje berre har eg arbeidd i hagen i dag men jammen har eg fått tatt bileter og. Enno er det eit og anna som blømer.

Kinasøten er ein trufast gjest kvar haust. Den er eit friskt fargeinnslag i hagen.

Håper på samme vær i morgon, og om formen er fin skal resten av løkane i jorda !!

Go`helg !!

Sommer på hell

2011-08-29T00:02:00.000+02:00

og tid for refleksjon kanskje ?

Kva har fungert godt i år og kva skal eg gjera noko med neste år ?

I byrjinga på juli kom eg over desse grasplantene og det førte til fem grasplanter som no ser slik ut:

Graset har vakse veldig og er flott å sjå til. Samanplanting med hosta kan nok bli fint trur eg, men den vesle stauda som eg trudde skulle klatra på rota og få oransje blomer....må nok gjerne flyttast.

Når sant skal seiast er det mange dager sida dette siste bilete vart tatt. Etter ei veke med feber og vond hals.... er eg endeleg kvitt feberen men mangler stemme. Reint helsemessig har ikkje sommaren vore god for meg, formen kunne absolutt vore betre. Reint fysisk håper eg altså på ein ny "vår" slik at eg kan få gjort noko av det eg ikkje har klart i sommer. Hagen har starta hausten føler eg. Enno mykje att å gjera før eg treng ta vinter.

Eg håper enno på fint hagevær ei stund slik at eg får reflektert rundt mine hageprosjekt... for det gjer eg

best med fingrane i jorda, eller på ein stein i hagen. Eg ynskjer å få vekk alt ugraset som har spirt.... veit det blir kjekkast til våren då. Eg har store planer for kjøkkenhagen.... Ajajaj

Og fine haustdager er også flotte dager.

Takk for inspirasjon gjennom blogger eg besøkjer og kommentarer og besøk på min blogg. Nye følgjarar eg svært velkomne, om eg ikkje alt har vore på besøk hos deg så kjem eg nok !!

Med ynskje om ei god veka til doke alle !!

Sein sommar.

2011-08-18T00:43:00.000+02:00

I dag har det vore ein nydleg sein-sommar dag. Me sol og litt vind, grilling ute og litt hagearbeid. Prat på terassen med min kjære medan sola går ned. Gode dager å ta med til vinteren.

Margerittane på berget er blitt så store i år. Kan vel kanskje takka den ikkje så gode sommeren for det ?

Håper på fleire fine sein sommar dagar !!

Om verdens ondskap og respekt for liv.

2011-08-09T00:01:00.000+02:00

Bombe i Oslo, skyting på Utøya...... Hos mange av oss har dette satt sine spor , mange kjensler,mange tanker rører seg enno fleire veker etter hendinga.

Innlegget i dag skal likevel ikkje handla berre om det som hende der. Det er ikkje vanskeleg å vera enig i at det som hende i Oslo og på Utøya er ondskap og er handlinger som me ikkje ynskjer å stå bak.
I dag vil eg og fortella om ein liten katt som kom til oss ein junidag i år.Yngste dotter mi Stine ,var på veg heim frå siste skuledag. I traktor-garasjen høyrde ho sår kattemjauing. Ho såg ikkje katten og klarte heller ikkje koma nær den. Ein time etter kom eg heim og me starta katte-jakt i garasjen. Der var mange fine gøymeplasser for ein liten kattepus. Men mjaua me, så mjaua pusen , og etter kvart fekk eg tak i ein kattunge som freste og klorte etter meg.

Heldigvis hadde me tatt med eit handkle som me pakka pusen inni. I handkle, berre med eit lite hovud som titta fram, roa pusen seg heilt i armane til dotter mi. Slik fekk me brått ein katt til i heimen. Kattepusen tok til seg av melka den fekk og få dager etter åt den også kattemat. Han hadde eit skrubbsår på nasa og auge-betennelse. Han gjekk på katte-doen og var i grunnen ein kjekk katt å få i hus. Litt sky og skeptisk, søkte vekk frå oss om den fekk sjansen. Me trur den var mellom tre og fira veker då den kom til oss. Etter kvart er han både trygg, leiken og kosen.

Me undra oss sjølvsagt på kor denne pusen kom frå. Mistanken vår vart bekrefta då mannen min gjekk ein tur langs vegen og fann ein overkøyrd kattunge på samme størrelse som den me hadde fått tak i. Vår litle pus var nok blitt kasta ut av ein bil på myrane her , saman med eit eller fleire syskjen. Planen var nok at den skulle dø der. Litle pus var heldig. No er den tre månader gamal og er ein herleg tillitsfull , kosete liten pusekatt. I slutten av månaden skal den få ein ny heim. Han vil bli sakna her, men me synest det er nok med ein katt og ein kvalp i huset.Sjølv om til og med sjefen sjølv, gamlepusen har godkjent litlepusen og leiker med han.

Dessverre er det ikkje første gang døde kattunger er funne på myrane her. Det gjer meg så sint at nokon kan velga ein slik utveg for å ta livet av kattunger. I dag har me så mange muligheter for å ta ansvar for både at det ikkje blir kattunger og korleis dei skal bli avliva. Men å overlata dei til trafikken eller sultedøden på myrane eller i skogen er ondskap, og syner ingen respekt for liv. Sjølvsagt kan ikkje dette måla seg med det som hende i Oslo/Utøya, men begge deler handler blant anna om ondskap og manglande respekt for liv.

På ferieturen vår valgte me,som mange andre, og ta eit stopp i Oslo og leggja ned blomer. Det vart ei sterk oppleving. Mine tanker og varme medkjensle går til dei som er direkte ramma av denne tragedia. Sterk vart det også då me kom til Karlstad og fredsmonumentet der også fortalde om medkjensle og omsorg.

Kampen mot ondskap handler om så mangt. Respekt for liv også. Det er å håpa at me slepp slike tragedier som denne.
Poenget mitt med å dra kattehistorien inni dette er at det er i dei små tinga at ondskap byrjer å gro. Det er der kvar og ein av oss kan bidra, med både meininger og handlinger. Bare slik kan Norge vera ein god stad for alle oss som bur her.

Litt tå kvart.

2011-07-11T23:45:00.000+02:00

Her går det i maling og lite haging om dagane. Det regner.... og maling inne er derfor prioritert. Bildene er fra ein runde i hagen i går. Må ut å nyta litt innimellom.

Kveldsmat og senga venter... jobb i morgon. Dette var eit livsteikn frå meg til deg.

Og sånn går dagane....

2011-07-05T21:57:00.000+02:00

Me er i arbeid, venter på ferie. Prøver å få gjort eit og anna både inne og ute alt etter vær. I helga gjekk min kjære mann i gang og fiksa solkroken vår.

Mold er kjørt vekk og singel er no på plass som stabilt underlag for heller. Satser på at stoler og bord kan stå støtt etter dette.

Vesle frøkna (som ikkje er så liten lenger...)vår hjalp til. Ho køyrde blant anna 10 lass singel !! Godt jobba. Sjølv har eg ein dårleg periode no og klarer ikkje så mykje... eg heier, tar bilder og byr på enkel mat !!

Godt å eta fantes no og i nærhet til arbeidsplassen.

Modne blåbær !! Nam, nam !!

Litt pynting ute er alltid kjekt.

Litlepusen er ivrig tilskodar. Plassen er valgt med omhu. Her får han pause frå hunden !!

Og siste peonen blømer.

Til slutt nokre blømande vener og

jammen var her ikkje ei humle og !!

Storkenebb

2011-07-01T17:03:00.001+02:00

Utruleg så mange sorter med storkenebb som finst. Her er ein av dei.

Denne planta står ikkje så langt frå den gule primulaen i forrige innlegg. Er i same bed altså.

Alt regnet me har hatt tek på blomane og. Håper på ein godværsperiode no !!

GO`HELG !

Og tusen takk til de som legg att ein kommentar. Det set eg utruleg stor pris på.

Gule innslag i hagen.

2011-06-29T23:33:00.001+02:00

Ikkje den store bløminga i dette bedet, men fint likevel. Marikåpa i kanten på plattingen bidra med ei rik bløming. Svært kjekke blomer å ta inn i buketter. Den frør seg svært villig. Plasseringa her har sorten stort sett stått for sjølv !! Og eg liker det. No plukker eg stort sett blomane før dei set frø. Prydkattemynte i forkant. Denne set katten så stor pris på at eg kvart år lurer på om den klarer å veksa fram. Heldigvis klarer den det. Lang blømimgstid på denne.

Denne primulaen bidrar også med eit gult innslag. Eg hadde ei plante. No har eg to , og tre små frøplanter funne i år. Fin plante synest eg. Kvit nellik i forkant.

Så var det visst litt bløming likevel !!

Takløk med spindelvev

2011-06-27T23:14:00.000+02:00

og ein nydleg blom !

Storskjerm.

2011-06-23T19:44:00.000+02:00

Flotte planter synest eg. Mange grunner til det :

Villige. Frør seg lett.

Tåler å stå i skugge.

Fine å ta inn i vase.

Lang blømingstid.

Las nett at dette er ei gammel hageplante her i Norge og at den difor høyrer heime i gamle hager.Eg oppdaga den først på Fjeldberg gamle prestegard der den står så fint blant den grønne hosta planta. Sidan leita eg etter den og fekk kjøpt den ikkje lenge etter. I dag har eg mange av den. Eg hadde planta den oppe i ei skråning, men det var ikkje lurt. Fekk nemlig stort antall nye planter nedover heile skråninga....Mykje å plukka vekk for den frøa seg villig. No prøver eg å plukka blomane før dei set frø.

Den skal finnast i tre fargevarianter :
Heilt lys, rosa og meir raud. Eg har kjøpt ein heilt lys, og ein meir raudleg. No synest eg mange av frøplantene er meir rosa enn den lyse ....men ingen så raud som den mørkaste ??

Dette er den raudaste eg har no... Ovanfor er den lysaste og så er det mange slike :

Dei er litt i knopp enno må eg innrømma. Dei so er på veg til å bløma blir av ein eller annan grunn alltid meir synleg for meg.
Ynskje alle ei fin St.Hans afta !!

Utsikt frå 2.etasje.

2011-06-20T10:25:00.001+02:00

Slik ser altså hagen på framsida ut. Hagen ligg i ein bratt skråning og det er naturen som har forma hagen. Det vil sei : eg har mura murar mellom berga og slik fått jordlommer som ikkje er så bratte. Litt sånn terassehage på eit vis. Her har vore lempa mykje både stein og mold. For ikkje å sei fjerning av røtter , torver og ugras....Her er framleis planer som ikkje er gjennomført, og det er forbetringspotensiale, HELDIGVIS !!

Og no gler eg meg over det eg har fått til, og nyter å sitja å sjå !!

Jordbær og ugras.

2011-06-19T23:47:00.000+02:00

Om nokon trudde det var slutt på ugraset tok de grundig feil.

I for vår fekk eg flott formolda sauamøkk hos min kjære.... Fin mold men full av ugras..... Eg gav opp i jordbæråkeren, og grønnsakåkeren , i fjor. Dermed var det full produksjon av ugrasfrø der og lite anna.

Då eg byrja i dag var heile åkeren eit grønt teppe slik du ser det i bakgrunnen på desse bileta. Nesten ikkje mogleg å sjå jordbærplantene... Etter mange timers arbeid og nesten tre trillebårlass med ugras... Vart åkeren slik:

Jordbærplantene er komen fram, og ti nye er planta !!

Om du lurer så er dette andre runde med ugrasfjerning her i år....... Håper det verste er over no !!

Så krysser me fingre og håper det blir litt jordbær på oss denne sommeren !!

Hagen, hosta og ugras.

2011-06-19T00:21:00.000+02:00

I dag har vore ein god hagedag. Været har vore bra, til dels veldig bra. Starta dagen i krydder/grønnsak åkeren. Der var uante mengder med ugras. Gjorde avtale med meg sjølv om to timers innsats på den fronten. Burde tatt før og etter bilder men hugsa ikkje på det. Innsatsen resulterte i 6 bøtter med ugras.....

Etter denne innsatsen måtte sofaen "konsulterast" eit par timer så var dama klar til ny innsats. Her var nemleg ugras å henta også i mine blomebed.... 4 bøtter resulterte det i . Undervegs fann eg planter til ein nabo . Og det var lurt. Gjekk ned til henne med plantene og då vanka det nemleg både noko å eta og drikka ute på terassen. Godt med pause, påfyll i magen og godt selskap.

Heima venta plenen. Den trong klippast etter 14 dager utan klipp.....Når det var gjort planta eg nokre planter eg har fått. Blant anna den første hostaen som var bilde av i dette innlegget.

Hostaen er nydlige planter. Denne siste er litt rufsete, og litt transportskada. Altså ny i år.

Eg har også fått desse to bregnene. Er spente på korleis dei utvikler seg. Den eine er litt raudare i blada enn den andre.

Denne hostaen er så liten der den står men eg trur (?) den er lik ein annan eg har.

Her står tre sjølvsådde kongslys som eg håper blir flotte når dei blømer i lys gult.

Kryptimian sprer seg i singelen. Fint med det grønne i alt det grå. Og lilla blomer tar seg også flott ut. Håper den vil spre seg utover !!

Nydlege allium - gråløk (?). Målet er at hostaen skal dekka dei visna blada. Kjempefine saman synest eg.

Håper du og har fått kost deg i hagen. Krysser fingre for ein fin dag også i morgon !!

Våte kveldstunder.

2011-06-17T13:01:00.000+02:00

Me har sakna ein stad å sitja når været er litt vått men det likevel er fint å sitja ute. Har no fått plassert to stoler, lite bord under tak. Der har me frå før to hengestoler frå Kid. Bileta tatt frå stolen eg satt i :

Her kan eg sitja å sjå på sola som går ned, fine blomer, levande lys, nymalt terasse og kjenna at dette er godt.
Det er lukke i slike små kvardagsstunder !

Det er liv i hagen !

2011-06-11T22:22:00.001+02:00

Her hos oss er det ein liten krig for tida. Kampen gjeld kven som er sjef i huset vårt. Pusen vår, Rampus, som har budd saman med oss i mange år har fått ein konkurent.

Happy, som hunden heiter, har berre lyst å leika, men katten forstår ikkje hunde-språket..... Det ender jo med freselyder og kloring. Av og til i vilt sinne, som når hunder nærmer seg katten si matskål......

Joda, det er liv i leiren !!

Nyter også hagen. Her ein type storkenebb som blømer. Kjempefin.

Valmuen er nydleg med sine knopper og med blomen.

Dette bedet blømer mest og best om sommaren men nyter alliumen med sine flotte blomer. Duppsoleie til høgre og valmuen litt bak i bildet. I dag har eg beisa terassen og plukka ugras i eit bed. Været er bra og håper på god fotorunde i hagen i morgon.

God pinse.

Og juni kom....

2011-06-08T11:02:00.000+02:00

.....med regn og våte dager. Dei våte dagane har vore brukt til rydding inne, og til vask av berg, terasse og rekkverk. Regnet hjalp meg med å skylle vekk såpa. I dag var det frukost på terassen og ein fotorunde før sola forsvann bak ei sky.

Irisen var det som fekk meg i gang.

Fyrste gong den blømer hos meg. Flytta den til ny plass i fjor haust og det likte den visst. Ved sida av ventar denne lilla sorten som også fekk ny plass her i fjor haust.

Den kjem med mange blomer.

Håper finværet held seg så skal det bli mange fleire fotorunder i hagen.

Myske som bunndekker.

2011-06-04T00:26:00.000+02:00

Noko av det eg har gjort er eg meir nøgd med enn anna. Å bruka myske som bunndekker, er eg godt nøgd med. Berre sjå her :

I utgangspunktet veks det to halvstore rhododendron her og slik kom ideen om bunndekke inn. Sidan har både bronseblad og hosta fått blanda seg i det gode selskap.

Mysken må stoppast , så langt har det gått bra. Bronseblada plukker eg i for at dei ikkje skal ta alt lys frå rhododendronen. Men like fullt synest eg dei utgjer eit godt kompaniskap. Ei blå valmuesøster har blanda seg i selskapet....Muleg ho må skifta selskap !!

Go`helg hagevenner og andre venner !!

Gyldne augneblikk........

2011-05-20T12:20:00.000+02:00

Lite blogging siste veka. For første gang sida me fekk skotsk høglandsfe for 15 år sida har me fått oss alekalv. Mora har avvist kalven, sulten og utmatta tok me den inn.

Etter jamnleg mating og dyrlege hjelp er kalven no kvikk og rask. Mykje tid går med når ein får sånne små babyer som skal ha flaske.

Og som om det ikkje var nok hadde me også avtalt å sjå på kvalp torsdag forrige veka. Og kvalpen kom i hus samme kveld.

Søt og sjarmerande som berre det. Men det blir jo akkurat som å få enno ein baby i hus.... Hunden heite Happy, og er ei Border collie tispe. Før ho kom til oss har ho aldri vore i hus, så her er mykje som skal lærast. Ein svært viktig lærdom er å ikkje gå i mine bed !! Ho trivst med å vera ute i hagen og springa og enno går det bra med mine bed. I dag konsentrerte me oss om gule, orange og raude blomer på fotorunden vår . Deler desse med doke :

.....og så skal kalven ha melk !!

GO`HELG !!

Joda, peonen blømer....

2011-05-11T23:04:00.000+02:00

Måndag kveld då eg kom heim frå hagearbeid i ein annan hage , hadde jammen eine peonen i dette bedet byrja bløma (så Anne, dette er årets !)Den har stått med tre knopper. Planta i 2009, og blømer no for første gang her hos meg.

Det er mykje å ta tak i ute i hagen. Noko som må gjerast, anna som er kjekkare å gjera... Tida fyk og no er det seine kvelden. Legger ut nokre fleire bilete frå samme bed, der blant anna ein veronica også blømer. Lurer du på navn, skal eg finna det, men no vil eg ta natt snart !!

Dette bedet var nytt for to år sida så her føregår litt prøving og feiling.Er veldig fornøyd med at eg har klart å la dei to peonene stå i fred !!

Hage venner

2011-05-09T23:27:00.000+02:00

Hagevenner er gode venner !! I dag har eg og ein hagevenn til vore til ein tredje hagevenn og arbeidd i hennes hage. Me var enig om at dette var ein fin måte å gå på besøk på !!

Me har prata, gravd, ledd, delt opp stauder, fjerna gras, og planta igjen. Heimatt kom eg (og ei til) med mange nye planter. Me etterlot oss eit bed som eigaren var nøgd med.

Var eg ikkje heldig ?

Denne anemonen blømer så fint nede i hagen min. No har eg fått fleire anemoner. Det skal bli spanande å sjå korleis dei blir. Fylte kvitveis har eg også fått.

Eg har også fått små frøplanter av ein trepeon, som ein gang i tida skal få gule blomer. Hmmm, håper eg klarer å ta vare på dette no då!!

Min trepeon ser slik ut i år :

Den har vakse godt, mange nye blad men INGEN blomeknopper... I fjor imponerte den med to.

Krysser fingre for neste år....

I morgon skal eg ut å plassera dei nye plantene. Trur eg får litt problem med å hugsa kva planter det er , kor høge og sånt noko...... Men kjekt er det, og spennande kan det bli !!

Vårskjerm.

2011-05-07T00:27:00.000+02:00

Rett etter helga såg eg ein video som danske Claus Dalby hadde lagt ut med glimt frå hagen sin, søndag 1.mai. Han gav meg namnet på denne planta som eg no har to av i hagen :

Han sa at i Danmark kalla dei denne for vårskjerm, og så sa han eit latinsk navn på h som eg ikkje klarte å forstå.

Alt i mars byrja den og bløma, då er den så liten.

Det er ei litt snål plante, men liker den egentlig betre og betre. Det er ei god hageveninne av meg som har drive den fram frå frø.

Søking på nettet på vårskjerm var eit kapittel for seg. Mange treff på alle som såg på "kvar vår skjerm"....Var ikkje akkurat det eg var ute etter.
Men eit treff fekk eg ,og då eg søkte på dette latinske namnet : Haquetica epipactis, kjende eg att blomen på bilete og lærte dette :

Veks vill i områder i øst og midt Europa. Blømer med grønngule blomer veldig tidlig på våren og blir ca. 10-15 cm høy og kan danna store tepper.

Trivst i fuktig godt gjødsla jord, i skugge eller halvskugge. Formeiring med deling eller med frø som blir sådd med det samme dei er hausta.

Men har den eit anna norsk namn ? Det var nemt gulskjerm ? Eg er framleis open for ny kunnskap.

Ha ei god helg alle hagevenner og andre venner.

Så var det åkeren......

2011-05-05T23:36:00.001+02:00

I går var eg innom plantasjen på vei heim frå jobb. Der hadde dei fått inn grønnsakplanter, og nokon av desse vart med meg heim.

Men åkeren var ikkje heilt klar for dette, så her var det berre å gå i gang. Til tross for at eg fjerna ein god del ugras ein kveld tidlegare , hadde eg enno ikkje spavendt åkeren. Slik såg det ut :

Og eg spadde, vendte , fjerna ugras og jamna. Innerst laga eg eit lite hus av fiberduk til kålplantene i håp om å få eta dei sjølv i år.....

Og etter enno ei arbeidsøkt i dag såg det slik ut :

Maisplantene var dei einaste eg planta. Fleire venter på tur. Litt er det også igjen å spa, men ryggen min sa at no var det på tide med pause.

Var visst ikkje verdens beste arbeidshansker det her ??

Etter regn....

2011-05-03T11:31:00.000+02:00

I går kveld fekk me ei regnbyga. Ikkje veit eg kor mykje det vart av det regnet for det vart fort leggetid. Men det var godt å stikka hovudet utafor døra og kjenna den friske lufta ute då eg stod opp i dag. Sola var på¨plass igjen. Terassen omtrent tørr, men nokre blomer hadde spara litt på vassdråpane, noko som fekk meg ut på ei lita fotojakt . Dette vart resultatet.

Den vesle akeleien har samla litt vatn i blada sine. Sola kjem nok snart og tek det.

Den rosa aurikkelen prøver å strekkja seg mot sola. Det er den som er handduken for desse små.....

Og denne peonen står der så staselig, med små vassdråper, nett som ho har pynta seg med diamanter !! Kanskje den gler seg til å bløma for meg ? Det vert første gang den blømer nemleg og eg gler meg. Ha ein fin dag alle mine kjekke, gode lesarar !!

....og det blømer.

2011-05-02T19:55:00.000+02:00

For fleire dager sidan byrja desse to lilla rhododendronane å bløma også. Dei ser nokså like ut men når ein ser nærare etter er det litt fargeforskjell. I midten blømer ei tue med blå anemone. Dei synest eg er så fine.

Bileta er tatt i kveldslys, men det er nok ikkje rett farge på her. Men fine er dei no desse to.

Dette er ein ny venn i hagen i år. Fine den og.

Dei fine dagane me har hatt har pusen vår tilbrakt ute. Han har slappa av, overalt, til alle tider. Innimellom har han kikka med undring på meg som har stått på i hagen. No kjennest det ut som kroppen min treng nokre daffedager. Han får få det, sjølv om eg ikkje er samd..... Men snart er eg nok i gang igjen, ute !!

Likt og ulikt

2011-05-01T23:21:00.001+02:00

Me har hatt fantastisk flotte dager her no. Sol og varme. Så herleg. I dag har havskodda lagt ute i havet og det har medført kald skoddetrekk ,sjølv om sola i aller høgste grad har vore her !! Grilla ute har me likevel gjort, men litt meir kledd enn i går (då var det nesten bikinivær). No i kveld har min kjære og eg nytt solnedgangen.

Det er likt og ulikt som kan nytast i hagen no. Noko er meir planlagt enn anna . Dette morelle treet er ikkje planlagt. Det står rett utafor hagen vår , og har nok blitt "sådd" av ein fugl, tenkjer eg.

Det er så flott og sjå på no, overstrødd med blomer som det er.

Det planlagte er i alle fall denne tulipanen som er kjøpt på plantasjen i fjor og bærer navnet Tulipa Angelique. Eg har gledd meg til den skal bløma og i dag kom fyrste blomen.

Og den skuffa ikkje . Nydleg synest eg. Og det beste er at her er meir å gle seg til.....

Utviding av bed.

2011-04-30T20:49:00.003+02:00

Dei siste dagane har eg arbeidd med utviding og fornying av bed. Dette bedet er det me ser mest når me sit ute om kveldane, og eg har sakna meir bløming der midt på sommaren.

Slik såg det ut for nokre dager sida då eg byrja å grava. Det vesle raude lønnetreet mitt skal sjølvsagt få stå. Det er ein av mine hagefavoritter.

Til saman har eg køyrt på 4 trillebårlass med mold. Denne første delen planta eg litt i . Pusen Rampus er på godkjenningsrunde.

Dette området er nemleg viktig for han, bl.a. med både liggeplasser og gøymeplasser. Nedanfor lønna treng eg ikkje prøva å planta noko svært : Der legg han det ned etter kvart !

Akeleie, astilbe (lys rosa, trur eg), nellik og rosa aurikkel hadde eg frå før . Men enno mykje ledig plass. (Jo, det vart ein tur på plantasjen....)

I dag gjekk eg i gang med siste rest. Så vart denne enden ferdig også. Nærast har eg planta ein Phlox paniculata, ein høstfloks. Den skal bli kvit. Det kan virka litt rart at eg har planta ein så høg blome i framkant, men det har med at det er der det er mold til det !!Ytterst må det nemleg vera planter som treng lite mold, mellom 10 og 15 cm...... Desse rosa auriklene har vakse opp der og er sett tilbake. Dei har faktisk meir mold no enn før.... Har også planta ein rosa nellik i framkant, der det også er lite mold. Ny er bronsekryp (Acaena m. "Kupferteppich" Basic), som ikkje viser på bileta. Nydlige røde, og grønne blad. Spennande plante som eg er spent på . To rosa pelargonier er plassert i potte, både for høgde i bedet og for å ha noko som blømer heile sommaren (håper eg)

Nye planter på oppsida av lønnen min er :

To stk Verbascum phoe. " Southern Charm", kongslys. Desse skal få ein farge som er vanskeleg å sei namnet på men f.eks. rosa-oransje? Ser for meg at denne fargen blir nydleg mot dei raude lønneblada....

Den andre nye er ein ridderspore som eg trudde var kvit men som eg no når eg studerer litt ser ut som den kanskje er svak rosa ? Delphinium (P.G.) "Galahad" heiten den. Nokon som veit ?

Planen frå i fjor er gjennomført. No gjenstår meir planting, prøve og feile med sammenplantinger. Alt er berre kjekt og eg er så fornøyd !

Gras og ugras.

2011-04-28T23:33:00.002+02:00

Det er ikkje alt som skjer i hagen min som er like planlagt. Ofte blir veien til medan eg går. Sånn var det med dette graset..... Eg har ofte sagt at gras er det verste ugraset eg har i hagen. Så kven skulle tru at eg skulle gå til innkjøp av gras for å pynta i hagen min ? Ikkje eg i alle fall, men sånn gjekk det . Etter ein tur på Plantasjen var eg brått (og brutalt...) eigar av fem gras -sorter. Det store spørsmålet då eg kom heim var kor eg skulle gjera av dei ? Korleis skulle eg presentera denne nye "lidenskapen" ? Eitt nokså ledig bed, ei rot ( som eg lenge har villa hatt heim) og vips... Så vart det sånn :

Enno er det ledig plass så får me no sjå korleis dette går. Eg har jo rett og slett inga aning om kva eg har kjøpt, men no kan du få helsa på :

Ormeskjegg står det på lappen som de ser.Skal bli ca. 25 cm. høg. Dette er einaste sorten eg har hatt før, fekk den då av ei hage-veninne. Dessverre fraus han opp ein vinter, pluss at trasta nok var der å rote, så den ville ikkje meir. Håper det går betre denne gangen. Denne må nok få noko grønt rundt seg for å koma betre fram. Me får sjå.

Carex "Amazon Mist", kopparstarr står det på denne.Skal også bli ca. 25 cm. høg.

Carex buchananii "Red Rooster". Blir 30 cm høg. Meir rødleg denne. Skal bli spanande å sjå.

Carex morr. "Variegata" Japanstarr. Ca. 30 cm. høg.

Og sist , og også minst :

Carex oshimensis "Evergold". Blir bare 15 cm høg.

Har ikkje tenkt så grundig gjennom dette med sol, halvskygge og sånt. Ser dei har litt forskjellige krav. No krysser eg mine grønne (?) fingre og håper på god trivnad og vekst.

Har du erfaringer du vil dela, sorter å anbefala, så del gjerne under kommentarer.

Takker varmt alle de som kommenterer, og eit særskild velkomen til nye følgjarar. Tusen takk for varme ord !!

Aurikler og primula.....

2011-04-27T23:07:00.001+02:00

......i skjønn forening . Blir eit lite bilderas no av bilder tatt i kveld med fokus på aurikler og primula.

Det er så mykje som spirer og gror. Kvar dag må eg ein liten runde for å sjå over herligheten. Bileta vart teken i full fart i kveldinga (blir i alle fall ikkje gode bileta i den flotte sola me har hatt i dag) Eg held på med å gå over beda, fjerna ugras, rusk og rask, klippe vekk gammalt, køyre på litt ny mold, flytta litt planter, plante nytt osb. Og så utvider eg litt. Sakner noko som blømer på sommaren der me ofte sit sommerkveldane så difor var dette dagens prosjekt :

Det vart noko meir arbeid enn eg trudde.... Men eg skal nok koma i mål med det !!

Påskeliljene i min hage.

2011-04-26T22:32:00.000+02:00

Desse enkle gule påskeliljene var dei første løkane eg kjøpte til min eigen hage. Dei er å finna fleire stader no , og trivst godt.

I dag har eg også mange slike av den små sorten. Nokre av alle dei som står i butikken og freister tidleg på våren.Dei er jo nett som ein liten skog av påskeliljer.

Andre vår-fristelser som har stått i potter og så planta ut er denne. Kjempefin, men ikkje heilt på topp enno.

I hagen min står også desse kvite , elegante påskeliljene :

Den kjem opp midt i ei tue av vinterglans, og det går visst heilt fint.

Og sist men ikkje minst denne :

Denne kalla me pinselilje, og denne er av den gamaldagse sorten. Den fekk eg av ei veninne i fjor, og er så glad for den. Den blømer med fire blomer i år.

Som de ser har eg flest av den enkle sorten. I gamlehagen veks det fylte påskeliljer. Dei liker eg betre og betre og trur kanskje eg må flytta nokon inn i min hage klare for neste sesong.

Første rhododendron ut....

2011-04-25T22:07:00.000+02:00

Så er årets rhododendron bløming i gang.

Først ute er denne lys,lys gule.

Dette synet må berre nytast for bløminga varer ikkje for lenge.....

Vil du gå ein hagerunde med meg ?

2011-04-24T20:26:00.001+02:00

Ein eller annan gang i denne hage-lage prosessen min kom det opp eit ynskje om å kunna gå ein hagerunde hos meg sjølv, i eigen hage. Sidan har eg arbeidd mot det. No er denne gang-vegen ferdig. I juni, trur eg, skal eg invitera til opning av hagen min. Snor klipping og heile pakken....Champagne og kanapeer ?? I dag blir de invitert på ei lita førehandsvisning....hehe.Serveringa må de stå for sjølv !!

Den øverste delen av dette bilete til høgre vart ferdig i fjor vår . Kjem nok til å laga grusveg her og etterkvart, men til så lenge strekker plenen seg ned her.

Dette bildet viser deler av samme vei bare tatt motsatt vei. Nederste del av grusvegen her er ny grus på. Enno ikkje vaska av regnet.

Dette bilete er tatt omtrent samme stad som det forrige , men viser kor vegen går vidare opp mot huset igjen. Mange lass grus er køyrt på og glad er eg for at min kjære mann tok den jobben. Trur opninga av vegen kanskje hadde blitt utsatt til hausten ellers.... Eg er så glad for å vera i mål med dette prosjektet. Gler meg no til bløming av stauder og busker. Enno er her plass til fleire av slaget..... Kva beda har å by på får me koma attende til, ikkje sant ?

Langfredagsrapport.

2011-04-22T22:47:00.001+02:00

Det er påske , slutten av april, sommertemperaturer. Stiv og støl etter fjelltur i dag. Heilt herleg dag.

To blitz bilete i dag.... Ukjent gjest vitja påskeliljene og vart foto-modell. Om han likte det eller ikkje seier ikkje soga noko om !! I beda mine står staudene og venter på å koma i mold. Dei er plassert der eg vil ha dei så etter ei lita økt i morgon tenkjer eg dei er på plass. I dag har eg prikla dei plantene eg har sådd og håper det går bra. Har lite trening i denslags arbeid.... Ellers blir det arbeid i gamlehagen i morgon .

....og sol det vart !!

2011-04-21T00:10:00.000+02:00

Ja, me fekk sol i bøtter og spann. Tre dager har eg vore ute i hagen så mykje eg berre har orka og kunna tatt meg tid til. Og enno ein tur til plantasjen er gjennomført. Her har vore køyrt på både mold og singel, planter er gravne opp , kasta eller flytta. Nye planter, eller ny plass til gamle planter, er sett ned i fin brune mold. Mange tenke, kikke pauser er gjennomført. Ta bilete har eg gløymt ut... Har tatt litt bilder i dag, men har ikkje overskot til å laga noko utav det. Sende også yngste dotter mi for å ta bilete i hagen så dagens bilete er tatt av henne. Får stå som ein liten stemningsrapport frå hagen.

Ville berre sei at eg stor-koser meg og kjem tilbake med meir nytt sånn etter kvart.

SOL ?

2011-04-17T23:27:00.001+02:00

På værmeldinga i kveld såg eg noko kjekt. Ei stor gule sol på vestlandet. Gjett om eg likte det. Men yr.no seier det skal vera overskya..... Håper no på sol eg då. Og eg skal uuuut i hagen og kosa meg.

Sånn såg mine krokuser ut i går. Tufsne og våte, og på veg til å bløma av.
Rett bortom veks dette :

Så her skal det bli tulipan bløming, men eg må nok venta litt enno. No tek eg natt. Snakkast i hagen i morgon ?

Fin til påske.

2011-04-16T23:49:00.000+02:00

Plantasjen og andre hagesenter er absolutt dei plassane eg vert utsett for store freistinger.......

I dag skulle inngangspartiet fiksast til påskehøgtida og gravene på kyrkjegarden pyntast. Og det vart gjort, til tross for nokså vått vær.

Kosting, spyling ...vekk med granbar og mose, og så litt nytt i krukkene. Det er vel faktisk sånn at her har jula vart heilt til påske. Mosekransen på døra vart tatt ned i dag.

Enno venter ti stauder og ein busk på plass i molda. Det får eg ha å gle meg til !!

Klar for påske !!

2011-04-15T22:22:00.001+02:00

No er huset vaska til helg. Påskepynten er komen på plass. Denne dekorasjonen laga eg tidlegare i veka og bidreg til grønn påskeglede hos oss.

Ute i bilen står mange stauder, plantejord, litt vårblomer til urnene og til gravene på kyrkjegarden. Som de forstår vart plantasjen besøkt i dag. Og no har eg å gle meg til i morgon !!

God påske til alle mine besøkjande. Eg blir så glad for besøk, og ekstra glad om du legg att ein kommentar. Nyt påsken og påskefri når den kjem !!

Hjerte....berg....

2011-04-14T22:59:00.001+02:00

På ei berghylle i hagen min venter denne på å bløma. Gøymt nede mellom blada ligg knoppane og venter på å spre sin blomeglede.

Nokon som kan friska opp namnet på denne stauda. Det har nemleg gått i gløymeboka.......

Takk Mia for namnet : Bergenia !!

Kom våren for fort ?

2011-04-13T15:36:00.000+02:00

Denne krukka har stått julepynta heilt til no. Mose, lerkegran og ei rot. Er forsåvidt slik enno...Men det stoppar ikkje våren. Alliumen bryter gjennom moselaget.... Har høyrt om julekvelden som kom for fort på kjerringa, men dette får stå som eit døme på våren som kom for fort på "gartneren" !!

I gamlehagen...

2011-04-12T20:35:00.000+02:00

skjer det forskjellig for tida. Der blømer påske-liljene så flott.

To sorter, fylte og enkle.

Der i hagen veks også tuer med Scillia (var det rett namn ?). Primula blømer, litt tulipaner og desse kvite som heng så fint over kanten . I min hage veks den mellom stein i stein-mur, men er usikker på namnet.

I gamle-huset bur det ingen no. Me held på å gjera klar for utleige. I samband med det vert det også litt omlegging i hagen. Difor ser det slik ut akkurat no :

Me ynskjer å disponera Eld-huset og vil laga til ein stad utanfor som høyrer til der. I grøfta skal eg planta syrin som eit skilje mellom desse to "hagane". Håper det vil fungera. Enno ein del å gjera og mykje mold som skal køyrast på.
Så ting skjer,men tek si tid. me stresser ikkje med det men tek det som det kjem.
Det var eit glimt frå gamle-hagen ved gamlehuset på garden !!

Vårplaner og drøymer !

2011-04-11T21:54:00.000+02:00

Kvar vår bobler det over med kreative planer om alt frå å flytta nokre planter for å endra samanplantinger, til å mura eller bygga større saker som eg kanskje treng litt hjelp til.

Planer blir endra av økonomiske grunner (vinner sjeldan i lotto...), men også av tid gjeremåla alt er for mange. Det som kanskje var planen i fjor vår kan bli endra i år der eg sit ute og ser og tenkjer. Bra det er lov å tenkja og drøyma....

Ein gang drøymde eg om store tuer med krokus om våren. Og no har eg fleire store tuer med krokus !!!

Ein gang drøymde eg om drivhus. I år blir det ein realitet. Eg har fått det i bursdagspresang frå familien min.

Det er kjekt å grava i mold. Flytta planter. Klippa busker. Forma hagen. Her skjer litt om dagane. Men har vore lite flink å ta bileter.

Har hatt nokre nydlige dager ute no. I kveld kom regnet. Krysser fingre for fleire gode hagedager før påske !!

Fargerik vårglede.

2011-04-10T22:59:00.000+02:00

Aldri har eg sett så mykje krokus i hagen. Tuene veks år for år . Denne gule tua tok "kaka" i dag. Nydlege.

Er i full gang med vårarbeid no etter ei veka på Gran Canaria. Og jammen kom me opp i 17 grader i dag. Herleg. Krysser fingre for fleire gode arbeidsdager denne veka for alle oss hage entusiaster !!

Det spirer og gror

2011-03-29T23:18:00.000+02:00

Det spirer og gror og eg nyter det.

På dette første bildet er det litt fusk. Tulipanane er kjøpte og planta ut. Har no stått ei veka , fått litt snø, vind, regn, sol, men ser flotte ut.

Været har vore mangfoldig denne veka. Slik er vel mars. Syntes ei veninne sa det så bra : at snøbyger er også ein del av våren. Plutselig kjende eg det var litt lettare å leva med den snøen som erter oss sånn innimellom. No skal ikkje eg klaga på snø då....Den snøen som kjem forsvinn fort og det spirer i beda mine.

Tulipanane er starta reisa si. Krokusane i bakgrunnen er alt i gang.

Våririsen blømer:

Flytta den i fjor trudde eg..... men denne stod igjen. Den står klin inntil ei lyngplante.... Men den eg har flytta er ikkje komen så langt som denne.

Denne spirer og og blømer. Men kva heiter den ?

Blomane er små no men vil vekse med bladene utover våren. Kanskje ikkje spesielt vakker men synest den er dekorativ og står til mykje .

Ingen varme å skryta av her i vest. Fredag retter eg nasa mot syd, 7 dager på Gran Canaria skal bli godt.

Gler meg alt til å koma tilbake til hagen !!

Jenta med motorsag.

2011-03-27T23:13:00.000+02:00

Det var ein gang ei odelsjente på ein liten gard på Vestlandet. Då ho fanga opp at jamngamle odelsgutar hadde vore på kurs i korleis handtera motorsag ropa ho ut "kvifor har ikkje eg fått tilbod om dette?

Ropa vart høyrd, nytt kurs vart arrangert, og fleire jenter vart melde på. Odelsjenta lærte om stell av sag, om trygg bruk av motorsaga, om teknikker og øving i skogen fekk dei og. No kan odelsjenta svinga motorsaga.

Veden for neste vinter er felt og kvista. På sidelinja kunne ein stolt far og bestefar stå å sjå på. Ikkje fritt for at mor og mormor, som godt kan lika ved i ovnen, også var stolte og glade.

Tryggleik er viktig. Både hjelm,vernesko og bukse er på. Ikkje akkurat vakkert synest odelsjenta, som er oppteken av mote og design. Kan hende ho kan gjera noko med det på sikt ?

Sidan dette er ei sann historie kan eg ikkje slutta av med "snipp snapp snute ,no er eventyret ute", men sluttar med parolen

"jenter kan også" ! .

Vårteikn.

2011-03-26T21:35:00.000+01:00

Våren er i anmarsj !

Det blømer litt her og der og enkelte stauder og busker byrjer visa grøne blad. Det er ikkje varmt og godt , men når sola viser seg varmer ho eit kaldt vinter ansikt.

Trollhassel

2011-03-15T17:50:00.000+01:00

Brått ein dag stod trollhasselen i full blomst. Den er så flott på denne tida. Sjarmerande, rufsete og absolutt med personlighet.

Busken har eg fått av ein god hagevenn. I fjor klipte eg av godt med greiner. Vil ha luft under busken. Det ser bra ut så langt......

Mitt sofabord.

2011-02-15T12:57:00.000+01:00

Sånn ser sofabordet mitt ut for tida. Då meiner eg det er sånn det ser ut. Ingen styling her i gården.

Takk for mange refleksjoner rundt forrige innlegg. Skulle gjerne hatt ei bod full av hyller der eg berre lagra diverse "pyntesaker". Der eg kunne gå å ta fram og leggja bort ettersom eg ville ha ei endring. Mange ting og tang er alt teken heim, resten får me lagra i kasser.Så får det modnast litt kva me skal ta vare på og ikkje.

Denne søte jenta , heklebrikka på brettet, "sløyfa" på blomane , duken på bordet er alt etter svigermor.

Brettet er etter mormora mi. Resten har eg faktisk kjøpt sjølv. Kjøper sjeldan pyntesaker...har jo nok !

Her ein dag så tenkte eg at det jammen var bra at eg byrja lesa blogger. Det har inspirert meg med å visa vei. Mange gode ideer å henta på korleis pynta med både gamalt og nytt.

Så tusen takk !

Min interiørstil ?

2011-01-30T11:51:00.000+01:00

Dette handler om å ha arva mange ting.

Så mange ting at det kjennest som det fyller opp heile huset.

Mange fine ting, veldig fine ting.Men er det min stil ? Min smak?

Eit luksusproblem seier du kanskje.

Ja, for all del. For meg er det absolutt eit dilemma også.

Og det handler om fleire ting.

Det me har arva frå våre eldre slektninger tenker eg er ting som dei har spart for å klara å kjøpa i si tid. Det var ein gang ei prioritering dei gjorde. Som var viktig for dei. Det er vanskelig å ikkje ta vare på desse tinga i respekt for desse gamle. Som ikkje vaks opp i det bruk og kast samfunnet som me gjer. Men som verdsetta tinga sine som skatter.

Og så handler det sjølvsagt om miljøhensyn. Og moral. Det å ikkje kasta fullt brukande ting på den stor avfallshaugen som alt er full av produkt frå vårt bruk og kast samfunn. Bruktbutikken (eller garasjesalg ?) er jo sjølvsagt eit alternativ.

Mange av tinga har me lyst til å ha. Me ser på dei som skatter me og. Men korleis ta vare på alt utan at vårt eige hus vert eit museum ?

Svanesjøen

2011-01-19T22:11:00.000+01:00

Desse søte svanene kom svømmande mot meg då eg gjekk tur til sjøen her ein dag.

Dei snakka litt med kvarande og såg med forventningsfulle blikk på meg: Har ho ikkje med seg noko godt til oss ?

Men ikkje visste eg at eg skulle møta desse to. Dei snudde ryggen til meg på jakt etter anna bytte.

Juleroser på vei !!

2011-01-18T15:41:00.000+01:00

Mange av oss har vel feira jul og hatt ei julerose i hus. Eg og.Men det slår ikkje gleda med å venta på den som er ute......

Åhhh, eg gler meg.

I år med enno fleire blomer enn i fjor.

Spirer...

2011-01-17T22:31:00.000+01:00

Joda, det er vel kanskje for tidleg å leita etter våren. Men no er snøen borte for denne gong og eg måtte berre sjå etter der eg veit at snøklokkene kjem først.....

Og sjå....våren kjem nok tilbake i år og !!

Tid og tann.

2011-01-15T12:31:00.001+01:00

Av og til må eg minna meg sjølv på at tur er min medisin. Det handler om å finna ro. Vera til stades her og no. Å ha fotoapparatet med hjelper meg med det.

Dette gjerdet prega av "tidens tann" var denne dagens inspirasjon.

Ha ei go`helg !!

Framtidstanker 13. dag jul.

2011-01-06T14:56:00.000+01:00

Etter gamal skikk er dette dagen for julebukker i bygda her eg bur.

Det er også dagen for å bera jula ut.

Etter gamal skikk kan ein også venta med å bera ut jula til 20.dag jul.........

Akkurat i dag kjennest det ut som det kan bli både 14. og 15.dag jul før jula er ute. Og det gjer jo ingen ting. Eg kan jo egentlig gjera akkurat som eg vil.

SJEF I MITT LIV !!

eller ??

Kvart år når eit nytt år starter, kjennest det som å starta litt på nytt. Nye muligheter også bortetter....

Ja, det er nye muligheter faktisk heile tida. Eg starter i grunnen på nytt mange ganger kvart år eg !! Og det med å prøva å få til det samme, altså samme prosjekt, på nytt og på nytt

I år har eg fundert litt på kvifor eg ikkje får til det som er godt for meg ? Har fleire svar, kanskje nokon unnskyldninger, bortforklaringer. Men uansett : Eg må leva i det livet som er rundt meg. Og då er det ikkje alltid så lett å vera sjef i eige liv......

Men når eg klarer å sjå dei store linjene så ser eg at det er mykje eg klarer betre no. Så alle gangane eg har byrja på nytt har så visst hjulpe meg. Så egentlig er det vel greitt då at eg byrjer dei samme prosjekta på nytt og på nytt, for den treninga eg får til, har hjulpe meg !! Og det er alltid lys i enden av tunellen.

Så då skal eg også dette året trena meg på å ta betre vare på meg sjølv !!

Enno er det jul......

2011-01-03T23:00:00.000+01:00

Hos oss varer jula til 13.dag jul.

Så her er glimt frå jula mi.

Held på den litt enno.....

Gamal og ny pynt i salig blanding.

Raudt, svart, kvitt, sølv, gull. Mange raude heklebrikker i år.

Treet er pynta av jentene mine, og det går i svart og sølv (kor har dei fått sånne ideer frå....)

Nisser og engler.

Naturmaterialer.

Her nyter me resten av jula.

13.dag jul går stasen ut.

Men sjokolade er det slutt på i dag. Gler meg til påskesjokoladen...

Nytt år !

2011-01-01T15:32:00.000+01:00

Nytt år !

Nye muligheter..... Nye gleder......... Nye utfordringer.......

Mange nye dager, med blanke ark.

Med ynskje om alt godt til alle som les dette !!

Yngste dotter mi med stjerneskudd inn i det nye året !

Julero......

2010-12-30T15:38:00.000+01:00

Litt julero har me vel funne alle her i huset.

Katten tek likevel prisen.

Ikkje om eg ville ha bytta sofaen bort for denne liggeplassen !!

To og firbeinte i snø.

2010-12-28T20:19:00.000+01:00

Høgt opp i lia, der veit je et sted.

Det snør og det snør.

ja det snør nesten ned......

Nei, akkurat sånn at me snør ned er det vel ikkje.

Me har fått så mykje at me faktisk synest me har fått bra med snø og me nyter det.

Fuglane får godt med mat på både vanlege og uvanlege stader.

Mest vanleg er forskjellige meise-arter. Stas då dompappen tok ein tur. Nøtteskriker er faste gjester. Trasten set stor pris på epla. Artigst var likevel grønnspetta som kom og hakka i den store meisekula som han far i huset har laga. Her foreviga i stolpen nedanfor.

Snøen, sola og finværet nyter me alle saman.

Julepynta eldhus !

2010-12-27T00:28:00.000+01:00

Så var julefeiringa over for denne gang.....eller varer jula heilt til påske ?

Akkurat sånn er det vel ikkje, men desse høgtidsdagane er no over. For denne gang. Magen er full av både sunt og usunt. Helst for mykje av alt. Kjekt samvær med naboer og med familie. Ramma rundt har vore eit fantastisk vintervær her ute i havgapet på Vestlandet. Draumen om kvit jul vert sjeldan oppfylt her. I år var det så mykje snø at me hadde spade med oss på kyrkjegarden for å få tent lys på gravene. Ei oppleving det og. Framleis skal me ha fri frå arbeid nokre dager. Kanskje me finn fram skia.....

Bileta er frå eit julepynta eldhus. Brakje (einer) er hovudpynten. Ellers kjem pynt som ikkje er i bruk inne til heder og verdighet der ute !! Fortsatt god jul !!

(Joda, eg ser at biletkvaliteten kunne vore betre. Hadde for lite tid til verkleg prøva meg fram med lys, blitz osv. Håper likevel litt av stemninga kjem fram likevel......)

Trær.

2010-11-01T23:06:00.000+01:00

Trær.

Tenk så mange forskjellige trær vi har.

Farge og form.

Store og små.

Og nokon med mose på.

...siste løvetann ?

2010-10-31T22:47:00.000+01:00

Til trass for tidleg snø her i år :

Bilete er tatt i dag !!

Årets siste og første !!

2010-10-25T20:50:00.000+02:00

Årets siste storkenebb

forsvann i årets første snø.....

Takk for kjekke kommentarer og omtanke på forrige innlegg.

Livet er ikkje alltid solskinn, men sola kjem alltid igjen !!

Ha det godt alle bloggevenner !!

Ringblomen og eg !!

2010-10-17T17:28:00.000+02:00

I dag har eg lyst å klaga meg litt.

Og då handler det gjerne om helse.

Det er ikkje alltid så lett å leva med utmattelse

og diverse andre plager.

Det er ikkje alltid så lett å stå på og arbeide positivt med meg sjølv.

Det er ikkje alltid så lett å gjera det som eg veit er godt for

meg sjølv.

Av og til har eg lyst å berre gje meg over til utmattelsen...

Og berre la humla suse....

På mange måter er eg heldig, veit det, men i dag vil eg synest litt synd på meg sjølv.

Eg vil tilata meg å kjenna på den sorgen det er å ha ein kropp som ikkje er heilt på topp .

Kjenna at eg er misunneleg på dei som kan jogga, gå på lange fjellturer......

Ja, sorg og misunning kjenner eg på i dag.

Det var dagens klagesang.

I hagen min har eg ringblomst.

Eg har aldri sådd sjølv men fått av svigermor for mange år sida.

Og så kjem den igjen.

År etter år.

Tenker at den skal bort.

Kvar haust er eg like glad den er der.

Den lyser så fint opp no på hausten.

Og som ringblomen så med meg...

Innimellom ser eg mørkt på det men....

som ringblomen :

Eg kjem tilbake,

med friskt mot,

igjen og igjen !!

Frøknene Kinasøte

2010-10-13T23:26:00.000+02:00

Her står frøknene Kinasøte.

Så fine med blondekant og nydleg blåfarge.

Og stipete kjole i fleire blåfarger og kvit...

Flotte frøkner synest eg.

Glad dei kjem på besøk kvar haust.

Kveldshimmel i havgapet.

2010-10-11T22:50:00.000+02:00

Velkomen til oss !!

2010-10-09T16:15:00.000+02:00

Livet går sin gang her hos oss.

Her er mykje å henga fingrane i, heile tida.....

No er været bra igjen og eg har vore ute og kost meg med å fornya inngongspartiet.

Jaja, nytt er det vel ikkje, men litt haustplanter og pynt gjer at det kjennest litt nytt.

I år har eg eigen avling med pyntegraskar og dette utgjer pynten. Dotter mi og eg prøvde oss på litt lyktelaging. Nokre av dei var sprukke under vekst så dei har me øvd oss på.

Nydleg haustvær her i dag.

Om litt skal eg ut og nyta været i hagen .

Fotoapparatet er med.....trur kanskje bloggelysta er tilbake !!

Seglbåt, urter og Kjerringgarden

2010-09-17T09:30:00.000+02:00

Sist helg var me ein flokk med damer som reiste på tur med Seladon, som er ein gammal seglbåt.

Målet var urte og matkurs på Kjerringgarden på Bjoa.

Og dette var veldig kjekt !

Me kom til flott pynta lokaler. Pynten på bordet var sjølvsagt forskjellige urter.

Ingrid tok vel imot oss og demonstrerte , fortalde i god Ingrid Espelid stil. Ho hadde nemleg fuska litt....men med urtene var det ingen fusking. Her var mykje å læra.

Forrett: Spekeskinke og salat med honningmelon.Ikkje berre såg det lekkert ut, men smakte kjempegodt også. Brød med urter , grøn dressing var det også til.


Hovudretten var Kyllingsuppe med grønsaker, med grove rundstykker til. Smaka også kjempegodt !!

Dessert: Sjokoladekake med mynte. Pynta med ringblomer. Myntesmaken gav eit snev av After eight smak. Nydleg.

Dette er spansk kjørvel som er ei av urtene som vart med meg heim. Med på lasset var også kvann, eplemynte, sitrontimian og bergmynte.

Her er litt av urtehagen på garden.

Og her er utsalget der Ingrid solgte urter og andre produkter. Ho lager nemlig blant anna såper, kremer og forskjellige krydderblandinger for salg.

Ein tur til Kjerringgarden på Bjoa kan anbefalast på det varmaste. Dette var ei oppleving for heile sanseapparatet vårt.

Seglturen med Seladon er ei oppleving i seg sjølv. Den kjem eg tilbake til.
Go`helg

En sommer er over...........

2010-08-03T20:33:00.000+02:00

......men minnene om den består........

Veit ikkje heilt kva som skjer men den store bloggelysta er visst reist på bærtur...hehe.

Er i allefall ikkje her. No bestemte eg meg for berre å skriva og sjå kva som skjer. Kanskje dette var ein kneik eg skulle over....??

Rart at ein som hagegal kan mista lysta akkurat no når hagen er i full sving.... Viser seg fram både med og uten ugras...Helst med, dessverre... Har fylt på med ein del formolda smaladrit, nydleg mold, men fy så mykje ugrasfrø det var i den...... Mista litt motet rett og slett. Og kosen.Og eg har aldri klaga for ugras før..... No har min kjære mann vore og kjøpt kompostmold til meg ! Men den må eg jo vera litt forsiktig med -den er "sterk".

Rosene mine har visst likt påfyll av denne molda då. Og ein del andre planter. Skal nok dela med doke etterkvart.

I dag kun eit lite glimt frå ferieturen vår til København. Og bilete er sjølvsagt frå Botanisk hage !!

Og så kjenner eg på at sommeren er over alt før den virklig har vist seg fram. Og det er eg litt lei meg for !!

Sjøliv

2010-07-15T20:55:00.000+02:00

I går vart det så fint vær at me valgte vekk arbeidsoppgåver og kom oss ut i båt. På hytta til mi tante og onkel henta me yngstejenta vår.

Ho bygde båt, den måtte prøvast og det endte med bading.

I fjæra var det andre som bada.

Ein liten krabbekrølle. Pirrer i gode barndomsminner.

Og ei sjøplante kom også opp over vatnet.

Flotte farger synest eg.

På vegen tilbake hadde frøkna vår jobben med å kikka etter stein i grunne sund.

Skjærgården utforbi oss byr på over 300 øyer og holmer. Med liten båt er det artigt å gå stader der store båter ikkje kan gå.

Ut mot havet fiska me litt.

Dette vesenet, ein Horngjel (trur me) , fekk me på kroken. Den fekk sleppa fri. Det vart ingen fiskemiddag denne kvelden.

Så er me heime igjen. oppe i lia ligg huset vårt.

Herleg med ein tur på sjøen !!

Berget mitt .

2010-07-01T22:57:00.000+02:00

Dette berget er berre ein meter frå terasse-døra vår. Dei som skaut ut huset kunne ikkje forstå kvifor eg ikkje vil ha det vekk. Kanskje dei hadde forstått no ?

I dag gjekk eg opp på verandaen i 2.etasje og tok "luft-foto" av berget. Så slik ser det ut, frå venstre mot høgre.

Nelliken, den rosa, har vore på nett same flekken sida eg byrja planta der våren 1995. Men det meste ellers er nok forandra på. Den gule sedumen som veks i kant med rota har sådd seg sjølv der. Og det syntes eg var ein godt valgt plass.

Denne søte her med kvite blomer (navn?) veks i ei lita fordjuping i berget. Den kvite kattefoten er tatt heim frå lia ovanfor huset vårt. No blander den seg med lodnetimian og nelliken. Lerkekongler og hjortehorn er pynt.

Og desse sauene ligg og nyt tilværet i den velduftande lodnetimianen. Den blømer ikkje her så kanskje han ikkje trivst ? Den er no fin likevel synest eg. Men der han ligg nesten rett oppå berget, berre litt mold så får eg vel vera nøgd. Eit kongslys har sådd seg sjølv, der det er mest mold..dvs. ca. 15-20 cm !!

Ein Allium, gråløk er på veg med blom :

Nydleg, ikkje sant ?

Litt fioler og tusenfryd har også fått plass.

Kua snuser på steindodren og ser ganske fornøyd ut.

Denne raudblada arten (?) med gule blomer har også funne plassen sin sjølv.

Krypfredløs prøver eg å halda i sjakk i ein liten sprekk i berget. Han vil gjerne overta alt men så langt går det bra. Når det blir tørt henger han med blada, men er rask med å koma tilbake.

Så var det nokre bilder av berget frå bakkeplan.

Her ser de godt krypfredløsen som veks i ei bergsprekk.

Nederst i bedet har nokre solsikker frå fuglematen sådd seg sjølv. Store blir dei nok ikkje , men håper dei får blom. Gjødsel har dei fått ekstra. Ser fine ut no i allefall.

Krukker bidreg med litt ekstra bløming.

Då skulle berget mitt vera vist fram i all sin prakt.

No har eg fått ferie, og laurdag reiser eg og jentene mine til Lista på speiderlandsleir. Blir vekke frå både hage og blogg ei vekes tid. Ha det godt alle saman. Nyt hagen og sommaren !!

Ja eller nei...

2010-06-27T11:08:00.000+02:00

Då eg var lita jente, ja kanskje stor og, plukka me eitt og eitt blad på prestekragen medan me sa ja og nei annakvar gong.

Det var sånn me kunne få "vita" om kjærasten ville ha oss.

Det siste bladet ein reiv av gav svaret.

Eg er nokså sikker på at min kjære vil ha meg så eg har ikkje prøvd på ei stund.

Denne prestekrageliknande stauda kjøpte eg i fjor. Eg finn ikkje att namnet. Nokon som kan hjelpa meg ?

Den likner på prestekrage i blomen , men er lys rosa på farge.

Ser de dei gule blada nederst ? Dei er eit vitne på kor tørt her har vore. No har det regna litt nokre dager. Eg håper molda er gjennombløytt men er slett ikkje sikker.

Den blå lerkesporen blømer ikkje enno. Den har lagt sine vernande vinger rundt engnelliken i vinden som var. Sikkert i pur omsorg....Hmmm, håper engnelliken tåler det !

Her lurer sola bak dei kvite skyene.

Kanskje ho kjem fram om eg går ut ?

Ha ein fin dag !

Hosta i fleire fasonger

2010-06-24T11:55:00.000+02:00

Hosta er ei av dei plantene eg liker betre og betre. Dei har flott bladverk og er dermed dekorative store deler av hagesesongen. Fint er det også at dei kjem etter ein del av vårens løkbløming slik at dei kan dela litt på plassen.

Dei har foskjellige teikningar i gult,kvitt og sjølvsagt grønt. Nokre er store, andre mellomstore, og nokon er små.

Eg synest desse er lette å ha med å gjera og dei dekker godt. Men eg har forstått det slik at dei brune sneglane liker desse godt. Ein av dei eg har er blitt spist på i år ellers går det bra her enno.....

Ikkje ørken....eller?

2010-06-22T11:55:00.001+02:00

Når eg sit med dataen min, er det dette eg ser....

og eg synest det er flott.

Då me bygde hus ville eg ikkje ha hage.

Minnast ugrasluking heimefrå

og tenkte at det ville ikkje eg halda på med.

Krukker og stor terasse er tingen tenkte eg då.

Dette berget var fyrste plassen eg laga bed.

Dette er ein av dei siste plassane eg har laga bed.

Og no har eg til og med planta roser.Den kvite nærast er kvit kryptimian. Den skal eg ha meir av. Og den observante leser ser at den rosa favorittnelliken min er med på både dette og forrige bilete!

Valmue, ny av året.

Håper den frør seg godt for eg har planer for fleire...

Og den store rosa valmua må også bli med i dag.

Eg liker så godt kontrasten mellom det lyse rosa
og den mørke lilla-svarte fargen.

Og mange fleire blomer er i vente....

Det er så tørt i jorda.

Skulle tru me skulle ørkenleggjast.

Så tørt at einskilde blomar byrjar visne i kanten på blada før tida...

Regna litt i natt, men det blir som eit spytt i havet.

Så her pågår vatning... rotbøyte er planen.

Og så håper eg det held for ei stund.

Hosta.Nydleg bladplante.

Har fleire eg vil dela med doke ein annan dag.

Ha ein fin dag.

Vind frå nord.

2010-06-20T19:42:00.001+02:00

Det går visst opp og ned med blogging for tida..... Ser at andre skriv om travle tider med avslutninger i hytt og pine. Ja, sånn er det her og. Og blir det for travelt forsvinn lysta til å skriva innlegg....

Lysta til å vera i hagen forsvinn i nordavinden. Sola skin, men likevel ingen varme. Men jammen tørker det ut både i potter og bed. Må nok ut å vatna det eg er mest redd for i alle fall.

Nelliken kryp fint langs bakken og klarer seg i vinden.

Valmuen heng med så godt den kan.

Lett prega av vinden ....

Lite tur har det også blitt i det siste men på ein av mine vandringer kom eg over denne blomen :

Ramsløken er nydlig.

Og det var ikkje berre ein. Nei, det var eit hav av blomer :

Dette viser berre ein liten del. Ramsløk kan jo brukast i mat.

Nokon som har prøvd og vil dela oppskrifter ? Bruker ein blom, blad.... eller ?

Til slutt vil eg visa eit bilete teke i kveldinga sist søndag. Ein nybygd borerigg på veg ut i havgapet for å finna meir av havets gull.

Ha ei fin veka alle saman !!